आमच्याबद्दल

सारणी (सांगवी) गावचे दैवत श्री बिनगीर बाबा संजीवन समाधी या गावांमध्ये आहे. गावांमध्ये हनुमान मंदिर, दत्त मंदिर, विठ्ठल रुक्माई मंदिर, भवानी आईचे मंदिर, बिरोबाचे मंदिर, समाज मंदिर, मल्लिकार्जुन मंदिर, माळ्याचे आई मंदिर, वेताळबुवा मंदिर व मज्जिद आहेत.

गावामध्ये वंजारी, मराठा, मुस्लिम, धनगर, बौद्ध, मातंग, सोनार, सुतार, तेली, परीट, न्हावी, चांभार, कुंभार, ब्राह्मण, वाणी, कोळी सर्व जाती धर्मांचे लोक गुण्यागोविंदाने राहतात. साधू संतांची गाव म्हणून सुद्धा ओळख आहे. गावामध्ये मोठा तलाव आहे. तलाव असल्यामुळे शेतीमध्ये ऊस, केळी, फळबाग असे सर्व प्रकारचे पिके घेतले जातात म्हणूनच गाव बागायतदाराचे गाव म्हणून ओळख आहे.

विशेष म्हणजे केळीचे पीक हे गावातच घेतले जाते. ती केळी गावातच पिकवली जाते व नंतर आसपासच्या बाजारामध्ये विकली जाते. याचाच अर्थ असा उत्पन्न घेणारा, पिकवणारा व विकणारा गावातूनच होते. म्हणून गावाला व्यापारी गाव म्हणूनही तालुक्यामध्ये ओळख आहे. कापसाचा व्यापार, सोयाबीनचा व्यापार, भाजीपाल्याचा व्यापार भरपूर प्रमाणामध्ये गावामध्ये केला जातो.